كون نفسك من الصفر

img
قصص 0 admin

صح الشغل مو عيب بس العيب انك تقرا وانت قاعد بالبيت ما بتشتغل هاد هو العيب .. اقسم بالله في واحد بعرفو مقرب الي كثير بشتغل عامل نظافه بمصنع ومتزوج وعندو اولاد ولدين وبنت وبصرف عليهم وبلبسهم وكل عيد بشتريلهم اواعي والعاب وبشوف فرحة اولادو بعيونو ومبسوط ومبسوطين معه وكل شغلو عامل نظافه لا شهادة ولا نجاح توجيهي حتى بس المهم بشتغل بصحى الصبح بروح بتعب بتعب بتعب برجع بقعد مع عيلتو هاي هي الحياة الحلوة وزوجته ما احسنها متقبله وما بتحكي غير الحمد لله احنا باحسن حال .. تعرفو شو الحلو بالقصه ؟؟ الحلو فيها انو ما بطلعو لبرا زي باقي حالاتنا ( يييي صاحبيتي معها تلفون ايفون 7 والله لاجيب متلو طيب وبعدين جبتي متلو وبعدين ؟؟ شفت حمودة معاه اكسنت 2016 فل الفل والله لاجيب زيها وبغرق بقروض البنك وخذلك طيب وبعدين جبت زيها شو صار ؟؟ شفتي ام احمد عندها جلاية صحون بتجنن والله لاجيب متلها وجوزها بتخوزق وينو يلحق اجار البيت وينو يلحق مصروف البيت ؟؟؟ مش هون الفكرة اوك ممكن نحلم بشغلات حلوة تكون النا بس ما تضغط حالك علشان تجيبها ( اشتغل ، كون حالك ، حقق مستقبلك ، جمع مصاري ، اعمل على حالك ، بكرا بصير معك كل شي كنت تتمناه ) العيب انو تحلم بهاي الشغلات وانت قاعد بالدار طفران بتوخد مصروفك من امك .. روح اطلع اشتغل ادرس كمل دراستك انجح عيد مرة مرتين ثلاثه اخريتك تنجح ، اشتغل شو ما كان يكون شغلك المهم جيب مصروفك خلصت توجيهي كمل جامعه اشتغل وادرس وبس تخلص وتصير اطلع على حالك زمان كنت قاعد بوخد مصروفي من اخوي الكبير هس صرت اشتغل وانا اللي اعطي مصروفي لاهلي. الحياة مو سهلة بس بنفس الوقت مو صعبه .. شوي شوي بتصير وبتكبر وبتحقق كل شي بدك اياه بس شيل اللي براسك من غيره وهاد الهبل وفكر بمستقبلك وحياتك وكون حالك لانو اذا ما كونت حالك ما رح يجي حدا ويعطيك مليون ليرة عالجهاز والي بتعب بلاقي ما في حدا بلش كبير كلهم بلشو من الصفر

الكاتب admin

admin

مواضيع متعلقة

اترك رداً